SANAK HAGHUK JAMA PATIKANI

Di suatu pekon ughiklah keluaghga sederhana sai dkughniani sai sanak bakas. Waktu anakni beumogh 6 tahun apakni ghadu ninggal. Ulih sina sanak bakas sina di ughau jama ughauan sanak haghuk. Guwai nyukupi kebutuhan keluargani emak sanak haghuk nanom gegulaian ghik kembang-kembang. Mak teghasa sappai anakni kughuk meghanai.
Sanak haghuk balak jagi meghanai wawai ghik kicar kiwar. Ia selalu ngebattu nanom kembang-kembang ghik gegulaian. Kembang-kembang ghik gegulaian sai ditanom tiyan tuwoh subur ghik bekembang helau-helau nihan.

“Mak, ghepa lamun kembang-kembang sinji sikam sai ngejualni mit pasagh, pesti hasilni dapok nyukupi kebutuhan gham ganta ji”, cawa sanak haghuk sina di suatu ghani. “Ya..ya… temon sina, lapahlah niku ngejual kembang-kembang sinji, lohot emak, niku sai jujur ghik wewah pudak jama sapa gawoh sai ngebeli kembangmu”, sina nasihatni emakni sanak haghuk. Kembang-kembang sanak haghuk didemonni jama bebai-bebai ghik muli-muli sappai-sappai Putri Raja ngedengi hal sina.

Di pasagh sanak haghuk demon jama binatang ingunan. Ia haga jama kambing, jawi ghik manuk. Sappai di suatu ghani sewaktu ia mulang anjak pasagh, lamun ia betungga jama hulun sai haga matiko binatang ia beli. Waktu ina ia ngeliyak kucing haga dipatiko ia beli, wat lagi hulun sai matiko kenui ia beli, sappai wat hulun matiko tikus ia beli. Sewaktu ia haga nyebeghang wai ia ngeliyak iwa mas sai haga mati di pinggegh wai, ditulungni iwa sina, ghadu sina diluppukonni iwa sina di wai. Akhirni sanak haghuk lamon patikanni.

Putri Raja sai ghisok ngebeli kambing jama sanak haghuk munni kemunnian ia demon jama sanak haghuk. Ghena munih sanak haghuk demon jama Putri Raja. “Mak sikam kilu tulung, pinengko sikam jama Putri Raja”, cawa sanak haghuk jama emakni. Emakni tekanjat ghik beliau cawa, “nyak mak kuwawa anakku, gham mak sebanding jama Putri Raja, sepok gawoh muli sai sepadan jama gham,” . “ Lamun goghena sikam haga mineng tenggalan”, cawa sanak haghuk. Tigoh di istana mati kak maghah Raja ngedengi api sai dicawako jama sanak haghuk. Cawa Raja ,”Niku dapok nikah jama sanakku, asal niku dapok ngecet sesai istana sinji jama emas”. Sanak haghuk nyanggupi api sai dicawako Raja.

Sanak haghuk mulang, di lelapahan ia bupikegh ghepa caghani ngecat sesai istana jama emas, sedangko emasni gawoh sikam maka ngedok. Tigoh di lamban patikanni sanak haghuk butanya, “ ulah api sanak haghuk keliyakan sedih nihan?” Sabak haghuk nyeghitako api sai sebenoghni teghjadi.

“Lamun jughena lapah gham busantai mit wai,” cawa kenui jama sanak haghuk ghik indai kancani. “Setuju” cawa tiyan jama-jama. Sappai di wai tiyan ngeliyak iwa mas balak tekulai mati di pinggegh wai. Iwa ina iyulah iwa sai ghadu ditulung jama sanak haghuk. Laju iwa ina diakuk ghik dibelah, mak panaini wat emas di lom betongni. Lamon nihan emasni hampigh 3 kg.

Jama battuan patihanni di debingni tiyan ngecat sesai istana jama emas. Subhanallah tikus dapok ngeghjako pok-pok sai ghanggal ghik sulit dijangkau. Jughenalah tiyan bukeghja jejama guwai nyelesaiko keghjaan ngecat dinding istana kak ghadu.
Pagini ulun-ulun istana mekik-mekik, “Kebakaran-kebakaran!” teriak hulun-hulun sina, ulih diliyakni istana ngining kining. Ngedengi mekikan=mekikan ina Raja luwah, mak pandaini waktu diliyak istanani ghadu dicet jama emas. Ulah sina diughaulah sanak haghuk ghik dijadiko manantuni.

Iklan

About blog mahasiswa lampung UNJ

merupakan perkumpulan mahasiswa Lampung Universitas Negeri Jakarta

Posted on Februari 21, 2010, in Uncategorized. Bookmark the permalink. 1 Komentar.

  1. Artinya apa?

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: